ذکر لپاره دقیق انتخاب

 لیکوال:محمدناصر حلیمي

ذکر لپاره دقیق انتخاب

د مصعب بن عمیر رضى الله عنه انتخاب دومره دقیق دی، د پېغمبرص انتخاب به څومره دقیق و؟

مصعب بن عمیر داسې کس د قرآن کریم زده کړې ته غوره کوي، چې پاکه عاطفه، روښانه عقل او مخلصانه غږ يې ملایکې له اسمان نه را ښکته کوي، لاندې روايت کې دقت وشي:

«عَنْ اسيْدِ بْنِ حُضَيْرٍ رضي الله عنه قَالَ: بَيْنَمَا هُوَ يَقْرَأُ مِنْ اللَّيْلِ سُورَةَ الْبَقَرَةِ، وَفَرَسُهُ مَرْبُوطَةٌ عِنْدَهُ، إِذْ جَالَتْ الْفَرَسُ، فَسَكَتَ فَسَكَتَتْ، فَقَرَأَ فَجَالَتْ الْفَرَسُ، فَسَكَتَ وَسَكَتَتْ الْفَرَسُ، ثُمَّ قَرَأَ فَجَالَتْ الْفَرَسُ، فَانْصَرَفَ، وَكَانَ ابْنُهُ يَحْيَى قَرِيبًا مِنْهَا، فَأَشْفَقَ أَنْ تُصِيبَهُ، فَلَمَّا اجْتَرَّهُ رَفَعَ رَاسهُ إِلَى السَّمَاءِ حَتَّى مَا يَرَاهَا، فَلَمَّا أَصْبَحَ حَدَّثَ النَّبِيَّ  فَقَالَ: «اقْرَأْ يَا ابْنَ حُضَيْرٍ، اقْرَأْ يَا ابْنَ حُضَيْرٍ».قَالَ: فَأَشْفَقْتُ يَا رسول الله أَنْ تَطَأَ يَحْيَى، وَكَانَ مِنْهَا قَرِيبًا، فَرَفَعْتُ رَاسي فَانْصَرَفْتُ إِلَيْهِ، فَرَفَعْتُ رَاسي إِلَى السَّمَاءِ، فَإِذَا مِثْلُ الظُّلَّةِ ^([1]) فِيهَا أَمْثَالُ الْمَصَابِيحِ، فَخَرَجَتْ حَتَّى لَا أَرَاهَا، قَالَ: «وَتَدْرِي مَا ذَاكَ؟ ».قَالَ: لَا، قَالَ: «تِلْكَ الْمَلَائِكَةُ دَنَتْ لِصَوْتِكَ، وَلَوْ قَرَأْتَ لَأَصْبَحَتْ يَنْظُرُ النَّاس إِلَيْهَا، لَا تَتَوَارَى مِنْهُمْ».[2]

له اُسيد بن حُضَير رضي الله عنه نه روايت دى وايي: ده د شپې سورت بقره لوسته، په خوا کې يې خپل اس تړلی وه، چې له تلاوت سره آس په ترهېدو (ټوپونو) شو، دی چپ شو، آس هم ارام شو. بیا چې يې تلاوت شروع کړ، نو آس بیا وترهېد. بيا چپ شو، آس هم غلی شو. بيا يې لوستل پيل کړل، نو آس وترهېد. بيا يې لوستل پرېښودل. د هغه زوی يحيی آس ته نژدې و، نو ورباندې ووېرېد چې څه تکليف ورته ونه رسېږي. بيا يې چې کله هغه (خپل زوی) ايسته کړ، اسمان ته يې وکتل، نو هغه (سکينه) يې وليده. بيا چې سهار شو پېغمبر صلی الله عليه وسلم ته يې کيسه واوروله، هغه صلی الله عليه وسلم وفرمايل: «ای د حُضَير زويه! لوله، ای د حُضَير زويه لوله! ».ده وويل: ای د الله تعالی پېغمبره! زه له دې ووېرېدم چې هغه اس يحیی لاندې نه کړي چې هغه ورته نژدې و. ما چې سر اوچت کړ او زوى ته ورغلم. بيا مې چې سر اوچت کړ ګورم چې د ورېځې غوندې چترۍ ده او رڼاګانې پکې وې، بيا ورکه شوه. تردې چې له سترګو مې پناه شوه. هغه صلی الله عليه وسلم وفرمايل: (ايا پوهېږې چې دا څه شی و؟». ده وويل: نه. نبي صلی الله علیه وسلم وفرمايل: «دا ملايک وو چې ستا آواز ته رانژدې شوی وو او که لوستی دې وای او بس کړی دې نه واى، نو سهار به خلکو ته ښکاره کېده او خلکو به ورته ليدل».

---

[1]. د سیوري غوندې.

[2]. بخاري، جعفي، محمد بن اسمعيل ، (الجامع الصحيح)، صحيح البخاري ، 5018 كتاب فضايل القرآن بَابُ نُزُولِ السَّكِينَةِ وَالمَلاَئِكَةِ عِنْدَ قِرَاءَةِ القُرْآنِ.