شفا بښنه او حافظان

 لیکوال:محمدناصر حلیمي

شفا بښنه او حافظان

طبابت پیاوړې حافظې او طبي اخلاقو ته تر هر څه ډېره اړتیا لري، د قرآن کریم د حافظانو حافظې پیاوړي د همدوی له لارې طبي پوهه او طبي اخلاق دود شي.

د نړۍ د طبابت د پرمختيا لپاره بايد د طب په برخه کې د قرآن کریم پر حافظانو ځانګړې پانګونه وشي. هغه حافظ چې(۶۲۳۶) آیتونه زده کوي، نو کولای شي چې د طب پرمخ تللي قوانین او اصطلاحات هم په اسانۍ سره زده کړي ؛ خو حافظان باید په لاندې معيارونو د طبي روزنې ترڅنګ وروزل شي که د قرآن کریم پر حافظانو د طب په برخه کې په لاندې شرایطو پانګونه وشي، زموږ طبي ستونزې به په لږ وخت کې ډېرې هوارې شي:

١. د قرآن کریم لفظي ژباړه: قرآن کریم له مذهبي ناندريو، ګوندي تنګ نظرۍ او تاوتریخوالي نه و ایستل شي او د بشريت د اړتیاوو د حل او د کایناتو د پېژندنې، حق اداينې او ودې په موخه تدریس شي.

٢. د قرآن کریم هر اړخيزه روغتیایي څېړنه او لوستنه.

٣. د صحي آرونو او قرآني لارښوونو پرتلیزه لوستنه او څېړنه.

٤. په اتو سمسترونو کې باید ټول صحي آيتونه او احاديث د يوه شنونکي څېړنیز ارګان له خوا راغونډ او د پیاوړي شنونکي استاد لخوا په زړه پورې میداني منلې لیکنې په توګه تدريس شي.

٥. په طب پوهنځي کې د اسلامي ثقافت استاد باید هغه څوک وي چې د طب سره نسبي بلدتيا ولري، ځکه چې پرته له مسلکي زده کړې د مضمون حق نه ادا کېږي.