لیکوال:محمدناصرحلیمي
۱۴. (۲) هيله من كول او ويښول
د یو ولس مثبت اړخونه په ګوته کول
او نېکې پایلې ښکاره کول، منفي اړخونه په ګوته کول او بدو پایلو ته ځيرول ځکه ډېر
جرأت غواړي چې ډېر ځلې دا کار د مغرضو اشخاصو، د زر،
زور او تزویر د خاوندانو لپاره ګټور وي. د دې موضوع ګانو تحلیلول او تطبیق ته
وړاندې کول سپېڅلو شخصیتونو ته د ټولنیز قیادت په لور جرأت او حرکت ورکوي او د ککړو خلکو ټولنیز اعتبار له منځه وړي.
قرآني کيسې
ولسونو ته په ښو زېری
او د
بدیو له بدو عواقبو څخه پر ډارولو ويښوي، د ځان او ولس د ژغورنې اصول، تاثیر، آرونه
او خنډونه موږ ته په ګوته کوي: «رُسُلًا مُبشر ينَ وَمُنْذِرِينَ لِئَلَّا يَكُونَ
لِلنَّاسِ عَلَى الله حُجَّةٌ بَعْدَ الرُّسُلِ وَكَانَ الله عَزِيزًا حَكِيمًا».[1]
(دا ټول پېغمبران زېري وركوونكي او وېروونكي لېږل شوي وو، چې د هغو له
پېغمبر كولو نه وروسته له خلكو سره د الله تعالی په مقابله كې څه سند پاتې نشي او
الله تعالی په هر حال غالب او حكيم دى).
No comments:
Post a Comment