لیکوال:محمدناصر حلیمي
سپېڅلتيايي توپيرونه
د بشريت د
سعادت لپاره"بلدة طیبة"،"ذرية
طبية" "الکلم الطیب" "الأکل
الطیب" او "النکاح الطیب" "الحیاة الطیبة" رامنځته کول د
مسلمانانو بنسټيزه دنده ده، د مسلمانانو د وروسته پاتې کېدو ستر
لامل دا دی، چې د نړۍ په کچه مسلمانان د پورته شپږو ډګرونو په ايجاد او
وده کې پاتې راغلل. د پېغمبرﷺپه زمانه کې وقایوي طب دومره پرمختګ وکړ، چې په څلورو
میاشتو کې طبیب ته چا اړتيا نه پیدا کوله.
د عمر بن
عبدالعزیز رحمه الله په وخت کې اقتصاد دومره پیاوړی ؤ، چې چا زکات نه اخسته. د ابوبکر صدیق رضى الله عنه په وخت
کې حکومتي رڼښت دومره پرمختګ وکړ، چې ابوبکر رضى الله عنه خپل شخصي باغ حکومت ته
ورکړ، د عمر بن خطاب رضي الله عنه په وخت کې سیاست دومره وده وکړه، چې ښځه پاڅېږي
او د مهر د تعيين په اړه د امیرالمؤمنین خبره ردوي او عمر رضي الله عنه اعتراف کوي،
چې سمه خبره دې وکړه، زه غلط شوم.
خو پر دې وروستیو حالاتو ژړا پکار ده، ځکه چې د
ژوند په هېڅ ډګر کې مو د بني آدم د دمې او آرام لپاره خپلې ژمنې پوره نه کړې.
قلمي لاس
ته راوړنې مو درلودې. د هوسپالو واکمنانو په بدچلنۍ څه رانه چنګېز د فرات[1] په
سیند کې لاهو کړې. څه نورو استعماري هېوادونو یووړې او د
مسلمانانو نوښتونه یې پخپلو نومونو اعلان کړل. له همغو کتابونو نه په استفاده نن د
علمي پرمختیاوو مخکښان دي موږ د خپلو پوهانو له پوهې ګټه وانخسته او خپلو
ننګياليو ځوانانو وړتياوې مو د کره او پوره کار اجرا ته چمتو نه کړې، هماغه وو چې پښې مو وښوېدې او د ارمانونو مانۍ مو ونړېدې.
[1]. د فرات سیند په عراق کې
دی ، چنګېز پکې د اسلامي پوهانو په لکونو لیکلي علمي اثار وغورځول د سلګونو کلونو
عالمانه او مخلصانه هڅې یې په اوبو لاهو کړې.
No comments:
Post a Comment