د ځان سپکاوی( استخفاف)

 لیکوال:محمدناصرحلیمي

د ځان سپکاوی( استخفاف)

استخفاف په غلطه لار او غلطو کارونو کې د یو چا ملاتړ او حمایت ترلاسول. [1]

ځینې خلک دا آیت د عامو خلکو لپاره پېغور ګرځوي، زما په نظر دا آیت دیني علماءو ته پېغور دی، هغه دا چې څومره ستاسو ولسونه پردي نوکران او د پردیو ګټو ساتندویان وو، په دې پوه شئ چې د خپلو ولسونو د حقونو او ددوى د علمي کچې د لوړولو په اړه مو کار نه دی کړی.

الله تعالی وايي: «كَذَلِكَ يَطْبَعُ الله عَلَى قُلُوبِ الَّذِينَ لَا يَعْلَمُونَ (59) فَاصْبِرْ إِنَّ وَعْدَ الله حَقٌّ وَلَا يَسْتَخِفَّنَّكَ الَّذِينَ لَا يُوقِنُونَ».^[2]

(الله تعالی د هغو خلکو زړونه مهر کوي چې پرحق نه پوهیږي او د حق د حاکمیت لپاره ټینګ اوسه، د الله تعالی وعده رښتیا کېږي، بې باوره او بد باوره خلک باید ستا ملاتړ تر لاسه نه کړي).

د غلطو، لنډپارو او لوټمارو پلویان د عقل او علم له پلوه سپک خلک دي. ځکه دوی د رمې غوندې دي د شپانه او قصاب ترمنځ توپیر نه کوي، شنه واښه یې چې د هر چا په لاس کې ولیده، ورپسې رمباړې او شعارونه وايي. پرسپکو قومونوچې هر چا پانګونه وکړه د سپيو غوندې يې غپلي او خپل ولس ورباندې داړلی شي.

---

[1]. القنوجي ، أبو الطيب محمد صديق خان بن حسن بن علي ابن لطف الله الحسيني البخاري القِنَّوجي فتح البيان في مقاصد القرآن ج10 ، ص 269 عربي متن: «استجهله حتى حمله على اتباعه في الغي».

[2]. الروم: ۵۹- ۶۰.