لیکوال:محمدناصر حلیمي

۱۵.           انسانپالنه د مدارسو اساسي دنده

قرآن کریم شل ډوله زړونه را پېژندلي دي، مخکې مو هم ویلي وو چې زړونه هم د اجسامو غوندې درې ډوله دي د مدارسو دنده د عقلونو د پياوړي کولو، د عواطفو د ځلولو او د جسمونو د ځواکمنولو له لارې د ټولنيزو او وګړيزو کړکېچو رڼول او د جړو اوضاعو حلول دي:

۱. روښانه زړونه: هغه زړونه چې رڼا ترې ٪۱۰۰ تېرېږي، داسې زړونو ته د قرآن کریم معنا، مفهوم او هدف ور ننوځي دغسې خلک د هدايت لمرونه مشالونه دي، دوى د ژوند تيارې لارې رڼوي او کږکېچونه سموي.

موږ د مدارسو سرمدرسين له الله تعالی وډار شو پر خلکو زړه وسوځوو د فرعي او اختلافی موضوعاتو پر سر مسلمانان پر ډلو ټپلو ونه وېشو د قرآن کریم زده کړې ته باید یا د روښانه زړونو خاوندان ومومو او يا د قرآن کریم لپاره د خپلو شاګردانو زړونه راڼه او بل کړو.

۲. نیمه شفاف (خړ) زړونه:

هغه زړونه چې یو څه رڼا ترې تېریږي داسې زړونه شفافې مرحلې ته د قرآن کریم له لارې ورسوو.

۳. تور زړونه: هغه زړونه چې رڼا ترې نه تېرېږي د الله تعالی وېره، مينه، پېژندنه، د مرګ يادونه د قرآن کریم په ملتیا د ګناه، غفلت او د ظلم تورتمونه لرې او په روڼ سباوون يې بدل کړو او د قرآن کریم رڼا ورننباسو د مختلفو ګناهونو او ظلمونو له لارې د انسان د عقل او عواطفو رڼښت له منځه ځي او تورېږي چې بیا د قرآن کریم رڼا نشي ورننوتای.